छत्रपती राजाराम हायस्कूलमध्ये प्रचारार्थ सदिच्छा भेट
पुणे विभाग शिक्षक मतदारसंघाचे उमेदवार श्री. मंगेश चिवटे यांनी प्रचारार्थ कसबा बावडा, कोल्हापूर येथील कसबा बावडा शिक्षण मंडळ संचलित छत्रपती राजाराम हायस्कूल येथे सदिच्छा भेट दिली.
यावेळी मुख्याध्यापिका श्रीमती रेखा रावराणे मॅडम यांची भेट घेऊन शिक्षकांच्या विविध प्रश्नांवर, अडचणींवर तसेच शिक्षण क्षेत्रातील विविध विषयांवर सविस्तर चर्चा केली. शिक्षकांच्या न्याय्य हक्कांसाठी मागील दोन वर्षांत केलेल्या उल्लेखनीय कार्याची माहिती देत श्री. मंगेश चिवटे यांनी आपली भूमिका स्पष्ट केली.
यावेळी शिक्षकांना परिचयपत्रके देऊन त्यांच्या प्रश्नांसाठी सातत्याने शासनस्तरावर पाठपुरावा करण्याची ग्वाही दिली. शिक्षकांनीही त्यांच्या कार्याला सकारात्मक प्रतिसाद देत आगामी काळात शिक्षकांच्या प्रश्नांसाठी सक्षमपणे काम करण्याबाबत विश्वास व्यक्त केला.